ដោយ : បន្ទាយ

បន្ទាយមានជ័យ៖ អនុវត្តតាមការណែនាំរបស់រាជរដ្ឋាភិបាលកម្ពុជា ក្រសួងមហាផ្ទៃ អគ្គនាយកដ្ឋានអន្តោប្រវេសន៍ និងនាយកដ្ឋានច្រកទ្វារទី១ នោះ នៅថ្ងៃពុធ ទី២ ខែមេសា ឆ្នាំ២០២៥ លោកឧត្ដមសេនីយ៍ត្រី អ៊ី ចំរើន នាយប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត បានរៀបចំវត្ថុអនុស្សាវរីយ៍មួយចំនួនមានក្រមា ទឹកសុទ្ធ និងនំប៉័ង ចែកជូនបងប្អូនពលករខ្មែរដែលត្រឡប់មកពីប្រទេសថៃ ដើម្បីមកលេងស្រុកកំណើត និងចូលរួមអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ គឺពលករខ្មែរម្នាក់ៗទទួលបានក្រមា១ ទឹកសុទ្ធ១ដប និងនំប៉័ង១ដើម ។

អញ្ជើញចូលរួមទទួលពលករ និងចែកវត្ថុអនុស្សាវរីយ៍នាឱកាសនោះ លោកសេង សក្ដា រដ្ឋលេខាធិការក្រសួងការងារ និបណ្ដុះបណ្ដាលវិជ្ជាជីវ: លោកសាន គឹមហុង អនុរដ្ឋលេខាធិការ និងមានការចូលរួមពីក្រុមការងារមកពីមន្ទីរអង្គភាពមួយចំនួនទៀត ។

សូមបញ្ជាក់ជូនជ្រាបផងដែរថា ការចែកក្រមា ទឹកសុទ្ធ និងនំប៉័ងជូនពលករខ្មែរចូលប្រទេសទាំងអស់គឺអនុវត្តចាប់ពីថ្ងៃទី១ រហូតដល់ថ្ងៃទី១៧ ខែមេសា ឆ្នាំ២០២៥៕